5 April 2013

சேட்டை - SETTAI - சறுக்கல் ...


டெல்லி பெல்லி யை தமிழுக்கு ஏற்றவாறு எப்படி எடுத்திருப்பார்கள் என்கிற ஆர்வமே படம் பார்க்க தூண்டியது . சில அஜால் குஜால் காட்சிகளை அகற்றி விட்டு ஐந்து பாடல்களை மட்டும் இணைத்து விட்டால் தமிழ் பெல்லி ரெடி என்று இயக்குனர் கண்ணன் நினைத்து விட்டது ஏமாற்றமே ...

கதை மும்பையில் நடக்கிறது . பத்திரிக்கை துறையை சேர்ந்த ஜே.கே
( ஆர்யா ) , நடுப்பக்கம் நக்கி ( சந்தானம் ) , கார்ட்டூனிஸ்ட் ( பிரேம்ஜி ) மூவரும் ரூம் மேட்ஸ் . ஆர்யாவுக்கு பணக்கார காதலி ஹன்சிகா மூலம் கடத்தல் வைரம்  கிடைக்க கடத்தல் கும்பல் தலைவன் நாசரிடமிருந்து மூவரும் தப்பித்தார்களா  என்பதை அதிகம் மெனக்கெடாமல் ஒரிஜினலில் இருந்து காப்பி பேஸ்ட செய்து சொல்லியிருக்கிறார்கள் ...

ஆர்யாவுக்கு அல்வா வேடம் . ஹன்சிகா , அஞ்சலி இரண்டு தலுக் முலுக் குகளுக்கிடையில் சுகமாக அவஸ்தைப்பட்டிருக்கிறார் கொடுத்த வைத்த ஆர்யா . ஹன்சிகா டூயட் ஆடுவது தவிர கண்ணா லட்டு தின்ன ஆசையா என்று கேட்டுக்கொண்டே ஆர்யா மேல் விழுந்து புரள்கிறார் . அஞ்சலி க்கு கண் மையை மாற்றி விட்டால் மாடர்ன் கேர்ள் லுக் வந்து விடும் என்று நினைத்து விட்டார்கள் போல . பாவம் மிடில் கிளாஸ் இமேஜை தாண்டி மனதில் பதிய மறுக்கிறார் ...


ஆர்யா - அஞ்சலி உதட்டு முத்தத்திலும் சரி , காதலிலும் சரி அழுத்தமே இல்லை . சந்தானம் வழக்கம் போல டைமிங்கில் ரசிக்கவைத்தாலும் இவர் ஸ்டொமக் அப்சட் மேட்டரை ஜவ்வாக இழுத்து தியேட்டரை நாறடித்திருக்க வேண்டாம் . பிரேம்ஜி மொக்கையாக வந்து போனாலும் காதல் தோல்வியில் பரிதாபம் காட்டுகிறார் . நாசர் ஒ.கே ...

தமன் இசையில் " அகலாதே " பாடல் தவிர மற்றவை ஸ்பீட் ப்ரேக்கர்ஸ் . பின்னணி  இசைக்கு மெனக்கெடாமல் ஹிந்தியில் இருந்தே உருவி விட்டார் தமன் . ஆர்யா - சந்தானம் கூட்டணி பாஸ் அளவிற்கு வொர்க் அவுட் ஆகா விட்டாலும் ஓரளவு ரசிக்க வைக்கிறது .  பாடல்களை திணித்து படத்தின் நீளத்தை கூட்டியிருக்க வேண்டாம் . அதிலும் குறிப்பாக படம் சூடு பிடிக்கும் போது வரும் பிளாஷ்பேக் டூயட்  , அஞ்சலியின் கனவு டூயட் எல்லாம் படத்தின் வேகத்தை குறைக்கின்றன ...


ஒரிஜினலில் நண்பர்களுக்கிடையே இருந்த கெமிஸ்ட்ரி யும் , இரண்டாம் காதலில் இருந்த அழுத்தமும் சேட்டையில் மிஸ்ஸிங் . ஹிந்தியில் ஹிட்டடித்த செக்ஸுவல் காமெடியை தமிழில் படமாக்குவது எளிதல்ல . அடிப்படையில் உள்ள கலாச்சார வேறுபாடு   நிச்சயம் இடையூறாக இருக்கும் . அது மட்டுமல்லாமல் இந்த வகையான படங்களுக்கு இங்கே ரசிகர்களும் குறைவு . அதையும் மீறி வெற்றி பெறுவதற்கு நிறைய ஹோம் வொர்க் தேவை . அதில் தவறியதால் தான் " ஜப் வே மெட் " டை " கண்டேன் காதலை " என்று ஹிட்டாக்கிய கண்ணன் சேட்டையில் சறுக்கியிருக்கிறார் ...

ஸ்கோர் கார்ட் : 40   


6 comments:

திண்டுக்கல் தனபாலன் said...

ஏன் ஆர்யா மீது பொறாமை...? ஹிஹி...

விமர்சனத்திற்கு நன்றி...

ananthu said...

திண்டுக்கல் தனபாலன் said...
ஏன் ஆர்யா மீது பொறாமை...? ஹிஹி...
விமர்சனத்திற்கு நன்றி...

உங்களின் வருகைக்கும் , கருத்துக்களுக்கும் நன்றி ...

நான் கார்த்திகேயன்/naaan.karthikeyan said...

மோசமான படம் என்று பார்த்த அனைவரும் கூறுவதால் நான் இந்த படத்திற்கு செல்வதை மிகவும் ஜாக்கிரதையாக தவிர்த்துவிட்டேன்

கவியாழி கண்ணதாசன் said...

ஒரே வார்த்தையில் மோசம் என்று சொல்லியதால் தயாரிப்பாளரின் கஷ்டம் யாருக்குப் புரியும்

ananthu said...

நான் கார்த்திகேயன்/naaan.karthikeyan said...
மோசமான படம் என்று பார்த்த அனைவரும் கூறுவதால் நான் இந்த படத்திற்கு செல்வதை மிகவும் ஜாக்கிரதையாக தவிர்த்துவிட்டேன்
Wednesday, April 17, 2013

உங்களின் வருகைக்கும் , கருத்துக்களுக்கும் நன்றி ...

ananthu said...

கவியாழி கண்ணதாசன் said...
ஒரே வார்த்தையில் மோசம் என்று சொல்லியதால் தயாரிப்பாளரின் கஷ்டம் யாருக்குப் புரியும்

உங்களின் வருகைக்கும் , கருத்துக்களுக்கும் நன்றி ...

Post a Comment

Related Posts Plugin for WordPress, Blogger...