27 April 2013

யாருடா மகேஷ் - YARUDA MAHESH - ஆ(ஏ)ய் பையன் ...


ட்ரைலரும்  , சான்றிதழும் படம் எப்படிப்பட்டது என்கிற அனுமானத்தை கொடுத்து விட்டதால் எதிர்பார்ப்பில்லாமல் சென்றேன் என்றே சொல்லலாம் . சில மொக்கைகள் உட்பட படம் முழுவதும் அடல்ஸ் ஒன்லி ஜோக்குகள் , மூன்று ஐட்டம் சாங்குகள் இந்த இரண்டின் கலவையில் கொஞ்சூண்டு கதையை சேர்த்தால் வருகிறான் மகேஷ் ...

படமே சதையை நம்பியிருப்பதால் கதை என்று பெரிதாய் ஒன்றுமில்லை . கல்லூரியில் அரியர்ஸ் வைத்து கோட்டடிக்கும் மாணவன் சிவா ( சுன்தீப் ) வுக்கும் அதே கல்லூரியில் படிக்கும் மாணவி சிந்தியா ( டிம்பிள் ) வுக்கும் இடையே கசமுசா  ( இதையெல்லாம் லவ்வுன்னு வேற சொல்லனுமா ! ) ஆகி அதில் சிந்தியா கர்ப்பமாக அது கல்யாணத்தில் முடிகிறது . அதன் பின் மனைவியின் சம்பாத்தியத்தில் வெட்டியாக இருக்கும் சிவாவுக்கு அவளின் கர்ப்பத்துக்கு காரணம் தானில்லை  மகேஷ் தான் என்று தெரிய வர யாருடா மகேஷ் என்று தேடி அலைகிறார் . கடைசியில் கண்டுபிடித்தாரா என்பதே க்ளைமாக்ஸ் ...


ஹீரோ வேடத்துக்கு சுன்தீப் சரியான தேர்வு . நண்பனின் காதலை கட் செய்வது , காதலிக்காக அலைவது , குழந்தைக்கு அப்பனில்லை என்று தெரிந்தவுடன் எரிந்து விழுவது என்று படம் முழுவதும் கேசுவலாக நடித்திருக்கிறார் . ஹீரோயினுக்கு தமனாவின் சாயல் இருக்கிறது . தூரத்து சொந்தமோ !? . முதல் சாங்குக்கு ஆடும் அயிட்டத்தை விட , சாரி அயிட்டம் சாங்குக்கு ஆடும் பெண்ணை விட தனக்கு இருக்கும் திறமையை அடுத்தடுத்த சாங்குகளில் நன்றாகவே வெளிக்கொணர்ந்திருக்கிறார் .  ( படம் பார்த்த பாதிப்பு இன்னும் போகலியோ ) வாழ்க அவர் தொண்டு ...

ஒன்றுமே இல்லாத படத்தில் உட்கார வைப்பது ஹீரோவின் நண்பன் வசந்தாக வரும் நண்டு ஜெகனின் காமெடியே . ஜாடை மாடையாக இரட்டை அர்த்த வசனங்கள்  பேசிக்கொண்டிருந்தவர் இதில்  வெளிப்படையாகவே புகுந்து விளையாடியிருக்கிறார் . பெண்மை கலந்த பேச்சும் , படம் நெடுக இவர் அடிக்கும் கமெண்ட்சும் மட்டுமே படத்திற்கு உயிர்நாடி . டிவிடி பையா
( வேகமாக சொல்லிப் பார்க்கவும் ) என்று கத்தி கூப்பிட்டு அடி வாங்குவதும் , பலான இடத்தில அடிபட்டவுடன் புலம்புவதும் , " என் மனைவி கர்ப்பமாயிட்டா , அதையும் கன்பார்ம் பண்ணிட்டேன் நான் தான் அப்பா " என்று சொல்லி நண்பனை வெறுப்பேற்றுவதுமாக ஜெகன் சில இடங்களில் முகம் சுழிக்க வைத்தாலும் ஜமாய்த்திருக்கிறார் ...

ஜெகன் இல்லாத சீன்கள் தொய்வு , அதிலும் ரோபோ சங்கரை வைத்து செய்திருக்கும் காமெடியில் ஓவர் காம நெடி . இந்த இடைச்செறுகலை தவிர்த்திருக்கலாம் . லிவிங்ஸ்டன் , சுவாமிநாதன் மற்றும் சின்ன சின்ன ரோல்களில் வருபவர்களும் கதையின் ஓட்டத்துக்கு உதவியிருக்கிறார்கள் . கோபி சுந்தர் இசையில் :" ஓடுற உனக்கு " , " புது " போன்ற பாடல்கள் நன்றாக இருக்கின்றன ...


மகனிடமே பலான சீடி கேட்கும் அப்பா , காதலி பி.எப் ( ப்ரேக்பாஸ்ட் ) காக வா என்றவுடன்  தவறாக புரிந்து கொண்டு காண்டமுடன் போகும் ஹீரோ , கல்லூரி படிப்புக்காக டூர் செல்லும் போது ரயிலிலேயே முதலிரவுக்கு ஏற்பாடு செய்யும் ஜெகன் இப்படி படம் நெடுக இயக்குனர் மதன்குமார் பலான மேட்டர்களை மட்டுமே கட்டவிழ்த்து விட்டு கொஞ்சம் கடுப்பேற்றினாலும் ஆபாசத்தை வசனங்களோடு மட்டும் நிறுத்திக் கொண்டதற்கு பாராட்டலாம் . டைரக்ட் மற்றும் டபுள் மீனிங் வசனங்கள் சிரிக்க வைத்தாலும் " ரங்கவேலு வை சுருக்கி ராண்டி னு கூப்புடுவீங்க , அப்போ குழந்தைவேலு வை சுருக்கி ..ண்டி னு கூப்புடுவீங்களா " போன்ற சக கலைஞனை இழிவுபடுத்தும் வசனங்கள் கண்டிக்கத்தக்கவை ...

கடைசியில் யாருடா மகேஷ் என்பதற்கான விடை எதிர்பார்த்ததை போலவே படு மொக்கையாக இருந்தாலும் போருடா மகேஷ் என்று நம்மை சொல்ல வைக்காமல் படத்தை வேகமாக முடித்து விடுகிறார்கள் . ஜாலியாக நண்பர்களுடன் பொழுதை கழிப்பவர்களுக்கும் , அடல்ஸ் ஒன்லி ஜோக்குகளை ரசிப்பவர்களும் படம் நல்ல விருந்து . அரங்கில் வந்திருந்த இளம்பெண்கள் கூட ரசித்து சிரிப்பதை பார்த்தால் இயக்குனர் குறி வைத்த  டார்கெட்டட் ஆடியன்சுக்கு படம் ரீச் ஆகும் என எதிர்பார்க்கலாம் . மற்றபடி குடும்பத்துடன் மட்டுமே படம் பார்ப்பவர்களுக்கோ , கலாச்சார காவலர்களுக்கோ இந்த படம் உகந்ததல்ல ஏனெனில் யாருடா மகேஷ் - ஆ(ஏ)ய்  பையன் ...

ஸ்கோர் கார்ட் - 40 


8 comments:

வெங்கட் நாகராஜ் said...

தலைப்பிலேயே படம் பற்றி தெரிந்து கொள்ள முடிந்தது!

நல்ல விமர்சனம்.

Unknown said...

சூப்பர் நல்ல இருந்துச்சு

காதர் அலி said...

யாருடா மகேஷ்.குஜால் பார்ட்டிகளுக்கு படம் ரொம்ப பிடிக்கும்போல.

ananthu said...

வெங்கட் நாகராஜ் said...
தலைப்பிலேயே படம் பற்றி தெரிந்து கொள்ள முடிந்தது!
நல்ல விமர்சனம்.

உங்களின் வருகைக்கும் , கருத்துக்களுக்கும் நன்றி ...

ananthu said...

சக்கர கட்டி said...
சூப்பர் நல்ல இருந்துச்சு

உங்களின் வருகைக்கும் , கருத்துக்களுக்கும் நன்றி ...

ananthu said...

kadhar ali said...
யாருடா மகேஷ்.குஜால் பார்ட்டிகளுக்கு படம் ரொம்ப பிடிக்கும்போல.

உங்களின் வருகைக்கும் , கருத்துக்களுக்கும் நன்றி ...

Live LK said...

சூப்பர் நல்ல இருந்துச்சு. இந்த பதிப்பை இன்னும் பல நண்பர்களுடன் பகிர எங்களின் http://tamilbm.com/ வலைபதிவில் பகிரும் மாறு வேண்டுகிறோம்.

ananthu said...

Live LK said...
சூப்பர் நல்ல இருந்துச்சு. இந்த பதிப்பை இன்னும் பல நண்பர்களுடன் பகிர எங்களின் http://tamilbm.com/ வலைபதிவில் பகிரும் மாறு வேண்டுகிறோம்.

உங்களின் வருகைக்கும் , கருத்துக்களுக்கும் நன்றி ...

Post a Comment

Related Posts Plugin for WordPress, Blogger...