5 January 2012

எதிர்பார்க்கப்படும் திரைப்படங்கள் - 2012

               
கடந்த வருடத்தை போல உலக கோப்பை கிரிக்கெட் , சட்டசபை தேர்தல் இவையெல்லாம் இந்த வருடம் இல்லாத காரணத்தால் கூடுதலான படங்கள் ரிலீஸ்  ஆகுமென எதிர்பார்க்கலாம் ... அதிலும் ரஜினி , கமல் உட்பட முன்னணி ஹீரோக்கள் அனைவரின் திரைப்படங்களும் இந்த வருடம் வெளிவரப்போவது எதிர்பார்ப்பை எகிற வைத்திருத்திருக்கிறது ... இனி எதிர்பார்க்கப்படும் திரைப்படங்கள் - 2012 பற்றிய ஓர் பார்வை ....



கோச்சடையான்

சூப்பர் ஸ்டார் நடிப்பில் கே.எஸ்.ரவிக்குமார் கதையமைப்பில் அவருடைய மகள் சௌந்தர்யா இயக்கும் 3 d  படம் " கோச்சடையான் " . ஏ.ஆர்.ரஹ்மான் இசையில் , ராஜீவ் மேனன் ஒளிப்பதிவில் வெளிவரும் படத்தில் சினேகா , ப்ரிதிவிராஜ் ஆகியோர் முக்கியமான வேடத்தில் நடிக்கிறார்கள் ... அவதார் , டின்டின் போன்ற ஹாலிவுட் படங்களின்  வரிசையில் மோஷன் கேப்சரிங் தொழில்நுட்பத்தில் கோச்சடையான் உருவாகிறான் என்பது குறிப்பிடத்தக்கது..

விஸ்வரூபம் 

உலக நாயகனின் நடிப்பு , இயக்கத்தில் ஹாலிவுட் தயாரிப்பு நிறுவனத்துடன் இணைந்து ராஜ்கமல் இண்டர்நேஷனல் கிட்டத்தட்ட 150  கோடி ரூபாய் பட்ஜெட்டில் தயாரிக்கும் படம் " விஸ்வரூபம் " ... முதலில் செல்வராகவன் இயக்கத்தில்  யுவன் ஷங்கர் ராஜா இசையில் வெளிவருவதாய் இருந்த படம் இப்பொழுது கமல் இயக்கத்தில் ஷங்கர் - இஷான் - லாய் இசையில் தமிழ் - தெலுங்கு - ஹிந்தி என்று மூன்று மொழிகளில் வெளிவரப்போகிறது ... சோனாக்ஷி சின்ஹா , தீபிகா படுகோனே , அனுஷ்கா ஷெட்டி இவர்களின் பெயர்கள் அடிபட்டாலும் பூஜா குமார்  , இஷா இருவர் மட்டுமே ஹீரோயின்களாக நடிக்க ஒப்பந்தம் ஆகியிருப்பதாக நம்பத்ததகுந்த தகவல் ...

நண்பன் 

அமீர்கான் நடிப்பில் 200  கோடிகளுக்கு மேல் வசூல் செய்த " 3 இடியட்ஸ் " படத்தை தழுவி ஷங்கர் எடுக்கும் முதல் ரீமேக் படம் " நண்பன் " ... ஹீரோவாக விஜய் , ஹீரோயினாக இலியானா நடிக்க , ஜீவா , ஸ்ரீகாந்த் , சத்யராஜ் ஆகியோர் முக்கியமான வேடங்களில் நடிக்கிறார்கள் ... ஹாரிஸ் இசையில் படம் ஜனவரி 12  இல் ரிலீஸ் ஆகிறது ...



பில்லா 2 

அஜித்குமார் நடிப்பில் சக்ரி டோலெட்டி இயக்கத்தில் இந்த வருடம் தமிழ் புத்தாண்டில் வெளிவருமென எதிர்பார்க்கப்படும் படம் " பில்லா 2  " ... பில்லாவை இயக்கிய விஷ்ணுவர்த்தனே முதலில் இயக்குவதாக இருந்து பின்னர் அவர் விலக " உன்னைப்போல்ஒருவன் " படத்தை இயக்கிய சக்ரி அந்த பொறுப்பை ஏற்றுக்கொண்டுள்ளார் ... 2008  இல் " பெமினா மிஸ் இந்தியா வேர்ல்ட் " பட்டம் பெற்ற பார்வதி ஓமனக்குட்டன் ஹீரோயினாக அறிமுகமாகிறார் ... யுவன் ஷங்கர் ராஜா இசையமைக்கிறார் ...

கரிகாலன் 

விக்ரம் நடிப்பில் , காந்திகிருஷ்ணா கதையில் ,  கண்ணன் இயக்கும் பீரியட் படம் " கரிகாலன் " ... வீர் படத்தில் சல்மான்கானுடன் நடித்த ஜரினா ஹீரோயினாக நடிக்க முக்கியமான வேடத்தில் பசுபதி நடிக்கிறார் ... ஜி.வி.பிரகாஷ்குமார் இசையமைக்கிறார் ... படம் தெலுங்கில் " வீருடு " என்ற பெயரில் ரிலீசாகிறது ...

மாற்றான் 

சூப்பர் ஹிட் ஹீரோ சூர்யா , ஹிட் பட இயக்குனர் கே.வி.ஆனந்த் இருவரும் "அயன்" வெற்றிக்கு பிறகு இணையும் மற்றொரு படம் "  மாற்றான் " ... " ரேஸ் " என்ற மலையாள படத்தின் ரீமேக்கான இந்த படம் தெலுங்கில் " வீடு " என்ற பெயரில் ரிலீஸ் ஆகிறது ... ஹாரிஸ் இசையமைக்க , காஜல் ஹீரோயினாக நடிக்கிறார் ...





கந்தசாமி படத்தில் வடிவேலு ஓவர் நைட்டில் ஒபாமாவாக போவதாக சொல்லுவார் , அதே போல் ஒபாமா கூட யு டியுபில் கேட்டிருப்பாரோ என்று சந்தேகப்படும் அளவிற்கு தனுஷை உலகம் முழுவதும் பிரபலமாக்கிய ஒரே பாடல் கொலவெறி இடம்பெற்ற படம் " 3  " ... இந்த ஒரே பாடல் மூலம் ஏ.ஆர்.ரஹ்மானுடன் ஒப்பிடும் அளவிற்கு உயர்ந்து விட்டார் இளம் இசையமைப்பாளர் அனிருத் ... ரஜினியின் மகள் ஐஸ்வர்யா இயக்கத்தில் கமலின் மகள் ஸ்ருதி நடிப்பது கூடுதல் எதிர்பார்ப்பை ஏற்படுத்தியிருக்கிறது ...

ஆதிபகவன் 

பெரிய ஹீரோக்களை போலவே எதிர்பார்க்க வைக்கும் இயக்குனர்களுள் முக்கியமானவர் அமீர் ... அவருடைய இயக்கத்தில் ஜெயம்ரவி யின் நடிப்பில் நீண்ட காலம் ரசிகர்கள் ஆவலாக எதிர்பார்த்துக் கொண்டிருக்கும் படம்
" ஆதிபகவன் "  ... நீது ஹீரோயினாக நடிக்க யுவன் ஷங்கர் ராஜா இசையமைக்கிறார் ...



அரவான் 

அமீரை போலவே எதிர்பார்க்க வைக்கும் மற்றொரு இயக்குனர் வசந்தபாலன். இவருடைய இயக்கத்தில் ஆதி , பசுபதி , தன்ஷிகா நடிப்பில் உருவாகும் படம் "அரவான்" ... இப்படத்தில் பாடகர் கார்த்திக் இசையமைப்பாளராக அறிமுகமாகிறார் ... பரத் சிறு வேடத்தில் நடிக்கிறார் ...

தோனி 

பிரகாஷ்ராஜ் தயாரிப்பாளராக அறிமுகமான " அந்தபுரம் " படத்திற்கு இசையமைத்ததை போலவே அவர் இயக்குனராக அறிமுகமாகும் " தோனி " படத்திற்கும் இசைஞானியே இசையமைக்கிறார் ... இசையில் தான் என்றென்றும் ராஜா ... என்பதை இசைஞானி மீண்டும் ஒரு முறை நிரூபிக்கும் படமாக இது அமையலாம் ...

பூக்கடை 

வெற்றி , தோல்விகளை தாண்டி தொழில்நுட்ப ரீதியாக தன் படங்களை கூர்ந்து கவனிக்க வைப்பவர் இயக்குனர் மணிரத்னம் ... அவர் தன்னுடைய வழக்கமான ஏ.ஆர்.ரஹ்மான் - ராஜீவ் மேனன் கூட்டணியுடன் சேர்ந்து எழுத்தாளர் ஜெயமோகனுடன் கை கோர்த்திருக்கும் படம் " பூக்கடை " ... அர்ஜுன் முக்கியமான வேடத்தில் நடிக்க நடிகர் கார்த்திக்கின் மகன் கெளதம் ஹீரோவாகவும் , தெலுங்கு நடிகர் மோகன்பாபுவின் மகள் லட்சுமி மன்சு ஹீரோயினாகவும் இப்படத்தில் அறிமுகமாகிறார்கள் ...

வேட்டை 

ஹீரோக்களுக்கு தனி இமேஜை ஏற்படுத்திக் கொடுக்கும் இயக்குனர் லிங்குசாமி  , பையாவின் வெற்றியை தொடர்ந்து தன் சொந்த தயாரிப்பில் ஆர்யா , மாதவன் , சமீரா ரெட்டி , அமலா பால் இவர்களை வைத்து இயக்கம் படம் " வேட்டை " ... ஒளிப்பதிவை நீரவ்ஷா வும் , இசையை யுவன் ஷங்கர் ராஜா வும் கவனிக்கிறார்கள் ... ஏற்கனவே " பப்பரப்ப " பாடல் பட்டையை கிளப்பிக் கொண்டிருக்கிறது ...



வேட்டை மன்னன் 

வானத்தை நம்பி கோ வை கை கழுவிய சிம்பு நிச்சயம் கோ வின் வெற்றிக்கு பிறகு நிறைய வருத்தப்பட்டிருப்பார் ... அதே போல வேட்டையில் இருந்து விலகினாலும் நிக் ஆர்ட்ஸ் தயாரிப்பில் புதுமுக இயக்குனர் நெல்சனின் இயக்கத்தில் ஜெய் , ஹன்சிகா , தீக்ஷா சேத் இவர்களுடன் இணைந்து சிம்பு நடிக்கும் படம் " வேட்டை மன்னன் " ... யுவன் ஷங்கர் ராஜா இசையமைக்கிறார்.

நீ தானே என் பொன்வசந்தம் 

கெளதம் மேனனின் தயாரிப்பு , இயக்கத்தில் தமிழ் , தெலுங்கு , ஹிந்தி ஆகிய மூன்று மொழிகளிலும் தனித்தனியாக எடுக்கப்பட்டு வரும் காதல் படம்  " நீ தானே என் பொன்வசந்தம் " ... தமிழில் ஜீவா ஹீரோவாக நடிக்க மூன்று மொழிகளிலும் சமந்தா ஹீரோயினாக நடிக்கிறார் ... முதலில்  ஏ.ஆர்.ரஹ்மான் இசையமைப்பதாய் இருந்து பின்னர் விலகிய பிறகு இதுவரை யார் இசையமைப்பாளர் என்பதை சொல்லாமல் சஸ்பென்சாகவே வைத்திருக்கிறார்கள்...

ஒரு கல் ஒரு கண்ணாடி 

தம்பி அருள்நிதி சென்ற வருடம் மெளனமாக ஒரு வெற்றியை கொடுத்திருக்க, இந்த வருடம் வெற்றிப் பட இயக்குனர் ராஜேஷுடன்  இணைந்திருக்கும் அண்ணன் உதயநிதி அதே போல வெற்றியை கொடுப்பாரா என எதிர்பார்க்க வைத்திருக்கும் படம் " ஒரு கல் ஒரு கண்ணாடி " ... ஹன்சிகா ஹீரோயினாக நடிக்க ஹாரிஸ் ஜெயராஜ் இசையமைக்கிறார் ...


14 comments:

ஹாலிவுட்ரசிகன் said...

இந்த வருடம் அனேகமான படங்கள் எதிர்பார்ப்பை எகிறவைத்துள்ளன. எதுவும் மொக்கையாக மாறாமல் இருந்தால் சரி.

ஹாலிவுட்ரசிகன் said...

மோஷன் கப்சரிங்ன்னு சொல்லி கடைசில காட்டூன் சூப்பர் ஸ்டாரை டூப்பர் ஸ்டாராக்காம இருந்தா சரி.

இராஜராஜேஸ்வரி said...

பகிர்வுக்குப் பாராட்டுக்கள்..

அனுஷ்யா said...

இன்று என் மயிலிறகில்...எழுதக்கூடாத பதிவு....
இது என் வலையின் விளம்பரத்திற்கான இணைப்பு அல்ல..இந்த ஒரு கருத்து நண்பர்கள் பலருக்கு கட்டாயம் போய் சேரவேண்டும் என்ற நோக்கத்தின் வழியே இது..

Hari said...

indha padangalil only rajini and kamal movie mattum dhaan hit aagum aladhu nam manasil idam pidikum....matha pooraa padangalum avangaley hit nu soliduvaanga or ukaaravey mudiyaadhu.....im telling the result now itself....Vazhakam pola vijay punch dialogue matrum danceukaaga oru padam, ajith pesardhukaagha oru padam, vikram adutha kamal nu peru vaaanganumnu oru padam, simbu avan kudumbam paakardhuku mattum oru padam....appaaa ganesha engalai ivanga kita irundhu kaapaathu:)

ananthu said...

ஹாலிவுட்ரசிகன் said...
இந்த வருடம் அனேகமான படங்கள் எதிர்பார்ப்பை எகிறவைத்துள்ளன. எதுவும் மொக்கையாக மாறாமல் இருந்தால் சரி.

மொக்கையாகாது என்று நம்புவோம் ...! இனிய புத்தாண்டு நல்வாழ்த்துக்கள் ...! உங்களின் வருகைக்கும் , கருத்துக்கும் மிக்க நன்றி ...!

ananthu said...

ஹாலிவுட்ரசிகன் said...
மோஷன் கப்சரிங்ன்னு சொல்லி கடைசில காட்டூன் சூப்பர் ஸ்டாரை டூப்பர் ஸ்டாராக்காம இருந்தா சரி.

இனிய புத்தாண்டு நல்வாழ்த்துக்கள் ...! உங்களின் வருகைக்கும் , கருத்துக்கும் மிக்க நன்றி ...!

ananthu said...

இராஜராஜேஸ்வரி said...
பகிர்வுக்குப் பாராட்டுக்கள்..

உங்களின் வருகைக்கும் , கருத்துக்கும் மிக்க நன்றி ...!

ananthu said...

Hari said...
indha padangalil only rajini and kamal movie mattum dhaan hit aagum aladhu nam manasil idam pidikum....matha pooraa padangalum avangaley hit nu soliduvaanga or ukaaravey mudiyaadhu.....im telling the result now itself....Vazhakam pola vijay punch dialogue matrum danceukaaga oru padam, ajith pesardhukaagha oru padam, vikram adutha kamal nu peru vaaanganumnu oru padam, simbu avan kudumbam paakardhuku mattum oru padam....appaaa ganesha engalai ivanga kita irundhu kaapaathu:)

Romba nonthu poyirikkeenga pola ... But the fact is no one can predict exact output of movies , so we can just expect certain movies based on the actors and directors to certain extend ... Thanks for your visit and comment ....

ananthu said...

மயிலன் said...
இன்று என் மயிலிறகில்...எழுதக்கூடாத பதிவு....
இது என் வலையின் விளம்பரத்திற்கான இணைப்பு அல்ல..இந்த ஒரு கருத்து நண்பர்கள் பலருக்கு கட்டாயம் போய் சேரவேண்டும் என்ற நோக்கத்தின் வழியே இது..

உங்களின் வருகைக்கும் , கருத்துக்கும் மிக்க நன்றி ...!

ஹேமா said...

இப்பவே வரப்போகும் படங்களுக்கான எதிர்பார்ப்பு தொடங்கிட்டுதா.நல்ல படங்கள் வந்தால் நல்லதுதான்.சந்தோஷம் அனந்து !

ananthu said...

இப்பவே வரப்போகும் படங்களுக்கான எதிர்பார்ப்பு தொடங்கிட்டுதா.நல்ல படங்கள் வந்தால் நல்லதுதான்.சந்தோஷம் அனந்து !

உங்களின் வருகைக்கும் , கருத்துக்கும் நன்றி ஹேமா!

Anonymous said...

இனிய புத்தாண்டு வாழ்த்துக்கள் அனந்து...மறுபடி சந்திக்கும் வாய்ப்பு கிடைத்ததில் சந்தோசம்..
வாழ்த்துக்கள் அனந்து...

ananthu said...

ரெவெரி said...
இனிய புத்தாண்டு வாழ்த்துக்கள் அனந்து...மறுபடி சந்திக்கும் வாய்ப்பு கிடைத்ததில் சந்தோசம்..
வாழ்த்துக்கள் அனந்து...


என்ன நண்பா ரொம்ப நாளா ஆளையே காணோம் ! நீண்ட நாட்கள் கழித்து சந்திப்பதில் எனக்கும் மிக்க மகிழ்ச்சி ... தொடர்ந்து வரவும் ... நன்றி ...!

Post a Comment

Related Posts Plugin for WordPress, Blogger...